(मुम्बई) बलिउड अभिनेत्री सोनम कपुर र उनका श्रीमान आनन्द आहुजा क्वारेन्टाइनमा बसेका छन्। श्रीमान आनन्द आहुजासँग लन्डन बस्दै आएकी उनी भारत फर्किएलगत्तै सामाजिक सञ्जाल इन्स्टाग्रामको स्टोरीमार्फत क्वारेन्टाइनमा बस्न लागेको बताएका थिइन्।

अभिनेत्री कपुर र उनका श्रीमान आहुजालाई कोरोना भाइरसको संक्रमण नदेखिएपनि परिवारका सदस्यसँग घुलमिल हुनुपर्ने हुँदा क्वारेन्टाइनमा बस्न लागेको जानकारी गराएकी थिइन्।

‘कोरोना भाइरस संक्रमण रोकथामका लागि सरकारले विभिन्न प्रयास गरिरहेको छ। हामी दुवैलाई कोरोना भाइरसको कुनै लक्षण देखिएको छैन्,’ उनले स्टोरीमा भनेकी छन्,‘हामी प्रभावित क्षेत्रमा नपुगेपनि क्वारेन्टाइनमा बस्न लागेका छौं। कारण हामी परिवारसँग बस्छौं।’

भारत विमानस्थलमा कोरोना भाइरस संक्रमण रोकथामका लागि विभिन्न स्वास्थ्य परीक्षण गरिरहेको उल्लेख गरेकी थिइन्। उनले अन्तर्राष्ट्रिय यात्रा गरिरहेका यात्रुहरूलाई समेत क्वारेन्टाइनमा बस्न आग्रह गरेकी थिइन्