(काठमाडौं) महानगरीय प्रहरी वृत्त कालीमाटीले लागुऔषध चरेससहित एक जनालाई पक्राउ गरेको छ ।

प्रहरी वृत्त कालीमाटीले विशेष सूचनाको आधारमा छापा मार्दा नागार्जुन नगरपालिका स्युचाटारबाट चरेससहित एक जनालाई पक्राउ गरेको हो ।

पक्राउ पर्नेमा मकवानपुरकाे थाहानगपालिका- ७ घर भएका र हाल नागर्जुन नगरपालिका स्युचाटारमा डेरा गरी वस्ने ५४ वर्षीय कुमार भन्ने रामबहादुर थापा रहेकाे महानगरीय प्रहरी वृत्त कालिमाटीका प्रमुख प्रहरी नायव उपरीक्षक रूगम कुँवरले जानकारी दिए । थापालाई उनकै डेराबाट पक्राउ गरिएको हाे । प्रनाउ कुँवरले भने, ‘विगत लामो समयदेखि चरेस तस्करीको काम गर्ने र मकवानपुरको मनहरीबाट चरेस ओसारपसार गर्दै आएको भन्ने सुचनाको आधारमा उनलाई निगरानीमा राखेका थियाैँ । र अन्तत: चरेससहित पक्राउ गरेका हाैँ । उनले युवाहरूलाई सानो-सानो परिणामको चरेसलाई पनि महङ्गोमा बिक्री गर्दै आएका थिए ।’

थापाको साथबाट ४ केजी १८ ग्रामीण चरेस बरामद गरेको प्रहरीले जनाएको छ । प्रहरीका अनुसार थापालाई लागुऔषध ऐन २०३३ अन्तर्गत म्याद थप गरी मुद्दा चलाउने तयारी गरिएको छ ।