(काठमाडौं) राजश्व छली गरेर सुन्धारा, गौशाला र बालाजुमा चलाइएका सूर्तीजन्य गोदाममा प्रहरीले छापा मारेको छ ।

महानगरीय अपराध अनुसन्धान महाशाखाले छापा मारेर तीन जनालाई पक्राउ गरेको हो । महाशाखाका प्रमुख एसएसपी सहकुलबहादुर थापाका अनुसार करिब ५० लाख बराबरको सामग्री बरामद गरिएको छ ।

थप अनुसन्धान जारी रहेकाले पक्राउ पर्नेको नाम खुलाइएको छैन । घटनाबारे सोमबार दिउँसो पत्रकार सम्मेलन गरेर सार्वजनिक गरिने थापाले बताए ।