(काठमाडौं) अन्नपूर्ण पदयात्रा मार्गमा हिमपहिरोमा परी हराइरहेका ७ जनाबारे आइतबारसमेत कुनै जनकारी प्राप्त हुन सकेन ।

अन्नपूर्ण गाउँपालिका कास्कीका अध्यक्ष युवराज कुँवरका अनुसार आइतबार दिनभर घटना भएको स्थानमा जाने प्रयास भएपनि सफल हुन सकेन् । ‘प्रतिकूल मौसमका कारण आज हेलिकोप्टर लैजान सकिएन,’ उनले भने, भोलि कोरियाली दूतावाससमेतको सहयोगमा हेलिकोप्टरबाट पुनः खोजी थाल्ने तयारी छ ।’

७ जनाबाहेक अन्य व्यक्ति भने सम्पर्कमा आएको र थप पर्यटक हराएको सम्बन्धमा जानकारी नआएको उनले उल्लेख गरे । शनिबार धेरै जनालाई बेलैमा उद्दार गर्न सकिएका कारण थप मानवीय क्षति नभएको उनको भनाइ छ ।

उनका अनुसार शनिबार मात्र ११० जना विदेशी पर्यटकलाई पोखरा ल्याइएको थियो ।   शुक्रबारबाट हराएका चार कोरियाली र तीन जना नेपाली अझै सम्पर्कमा आएका छैनन् ।