काठमाण्डौ  २७ साउन  ।  उपचारका लागि सिंगापुरमा गएका प्रधानमन्त्री केपी शर्मा ओली ९ दिनपछि आज  स्वदेश फर्केका छन्।त्रिभुवन विमानस्थलमा उनलाई उपप्रधानमन्त्री तथा रक्षामन्त्री ईश्वर पोखरेल, गृहमन्त्री रामबहादुर थापा, सभामुख कृष्णबहादुर महरा, राष्ट्रियसभा अध्यक्ष गणेशप्रसाद तिमिल्सिना, बामदेव गौतमलगायतले स्वागत गरेका हुन्।

स्वास्थ्य जाँचका लागि ओली साउन १८ गते सिंगापुर गएका थिए। यसअघि ओली गत शुक्रबार नै नेपाल फर्किने कार्यक्रम भएपनि पटकपटक सरेको थियो।