बझाङ  ।  बझाङमा एक जना महिलाको गहना लुटपाट गरी हत्याको प्रयास भएको प्रहरिले  दुई जना लाई पक्राउ गरेको छ ।थलारा गाउँपालिका वडा नम्बर ५ घर भएकी विमला खातीको हिजो साँझ ६ बजे घाँटि रेटेर गहना लुटपाट संलग्न रहेको भन्दै प्रहरीले थलारा गाउँपालिका ६ का प्रेम कठायत र सौरव चौहानलाई  पक्राउ गरेको हो ।
 
प्रहरीले अनुसन्धान गर्दै जाँदा घटना प्रश्चात भागेर धनगढीतर्फ जाने क्रममा स्याँडी प्रहरी चौकीले पक्राउ गरेको जिल्ला प्रहरी कार्यालयका डियसपी सुर्य बहादुर केसीले बताए । दुवै जनाले महिलाको गहना लुटपाट घटनामा संलग्न रहेको समेत स्विकारेको उनको भनाइ छ । 
 
हिजो साँझ ६ बजेतिर केदार स्युँ गाउँपालिका ९ माइती घर भएकी वली सोमबार माइती घरबाट पोइलीघर जाने क्रममा थलारा गाउँपालिका ३ को शिलाकोट भन्ने ठाउँमा धारिलो बस्तु प्रहार गरी लुटपाट गरेको थियो । वलीका घाँटी,कान र नाकमा लगाएको सम्पुर्ण गहनाहरु लुटपाट गरेको जनाएको छ ।
 
गहना लुटपाट सँगै वलीको घाँटी,नाक र कानमा गहिरो चोट छ । उनको जिल्ला अस्पतालमा उपचार हुन नसकेपछि नेपालगंज रिफर गरेको छ ।