काठमाण्डौ  ७ श्रावण । प्रधानमन्त्री केपी शर्मा ओलीले राप्ती स्वास्थ्य विज्ञान प्रतिष्ठानका  पदाधिकारीलाई कडा कारबाही गर्ने चेतावनी दिनु भएको छ।प्रतिष्ठानका कुलपति समेत रहनु भएका प्रधानमन्त्री ओलीले प्रतिष्ठानलाई राजनीतिक खेल मैदान बनाउने गरिएको उल्लेख गर्दै त्यसमा संलग्न पदाधिकारीमाथि कडा भन्दा कडा  कारबाही गर्ने अभिव्यक्ति दिनुभएको हो ।ओलीले प्रतिष्ठानको गैरजिम्मेवार कामको छानबिन गर्न गठित समितिले आफूलाई नबुझाइ प्रतिवेदन सञ्चार माध्यमहरुमा सार्वजनिक गरेकोमा पनि आपत्ति समेत जनाउनु भएको छ।

मंगलबार काठमाण्डौमा आयोजित प्रतिष्ठानको तेस्रो सभामा   सम्बोधन  गर्दै प्रधानमन्त्री ओलीले आफूलाई नबुझाइ प्रतिवेदन बाहिर आउनुलाई राजनीतिकरणको संज्ञा दिँदै आफूलाई सह्य नभएको स्पष्ट पार्नुभयो ।यो छानबिन समिति हो कि राजनीतिकरु,’ छानबिन समितिप्रति प्रधानमन्त्री ओलीको आक्रोशसहितको प्रश्न थियो ।

प्रधानमन्त्री ओलीले प्रतिष्ठानलाई तत्काल स्वच्छ र पारदर्शी बनाउन केन्द्रित हुन पनि सम्बन्धित निकायलाई सचेत गराउनु भयो । उहाँले सरकार कसैको दबाब र प्रभावमा नपर्ने भएकाले त्यसै अनुसार काम गर्न पनि सबैलाई सचेत गराउनु भयो ।

प्रधानमन्त्री ओलीले प्रतिष्ठानलाई प्रदेशकै स्वास्थ्य शिक्षा र स्वास्थ्य सेवाको केन्द्रको रुपमा विकास गर्न चाहेको र  त्यसै अनुसार काम गर्न पनि सचेत  गराउनु भउको छ।