मक्कामदिना हजयात्रीलाई बिदाई गर्न विमानस्थल पुगे गृहमन्त्री थापा सहित तिन मन्त्री
काठमाण्डौ २ साउन । गृहमन्त्री रामबहादुर थापाले साउदी अरबको मक्कामदिनामा हजयात्रा गर्न जाने हजयात्रीलाई आज बिदाइ गरेका छन्। त्रिभुवन अन्तर्राष्ट्रिय विमानस्थलमा गृहमन्त्री थापाले १५६ हजयात्रीलाई बिदाइ गरे हुन ।
उनीहरु हज गर्नका लागि आज पहिलो चरणमा त्यसतर्फ जान लागेका हुन्। सो अवसरमा मन्त्री थापाले धर्मनिरपेक्ष मुलुक नेपालले सबै धर्मलाई सम्मान गर्ने भएकाले मुस्लिम समुदायलाई पनि हज गर्नका लागि मक्कामदिना पठाइएको जनाएकाछन । मन्त्री थापाले मक्कामदिनामा गएर हजयात्रीले नेपालको समृद्धिका लागि प्रार्थना गर्नेसमेत बताएका छन ।
विश्वभरमा नेपालको पहिचान गराउँदै हज गर्न जानेले भाइचाराको सम्बन्ध पनि विस्तार गर्ने धारणा राख्न’ भयो । हजयात्रीलाई बिदाइ गर्न परराष्ट्रमन्त्री प्रदीपकुमार ज्ञवाली, शहरी विकासमन्त्री मोहम्मद इश्तियाक राईसमेत सहभागी थिए।
नेपाल हज समितिका अध्यक्ष शमशेर मियाँले सरकारको व्यवस्थापनमा विगत आठ वर्षदेखि हज गर्नका लागि मक्कामदिना पठाउने गरेको बताए। उनका अनुसार यस वर्ष करीब एक हजार २६० जना हज गर्नका लागि मक्कामदिना जानेछन् ।
