भारतको उत्तरपूर्वी राज्य आसाममा रेलका केही डिब्बा पटरीबाट खस्दा कैयौँ यात्रु घाइते भएका छन् ।

पश्चिम बंगालको राजधानी कोलकाताबाट मिजोरमको साइराङतर्फ गइरहेको रेल बुधबार दुर्घटनामा परेको हो । पूर्वोत्तर सीमावर्ती रेलवेका एक अधिकारीले दुर्घटनाको पुष्टि गरेका छन् ।

दुर्घटनामा रेलका केही डिब्बा लिकबाट बाहिरिएका थिए । घटनामा कैयौँ यात्रु घाइते भएको बताइएको छ । यद्यपि, हालसम्म कसैको मृत्यु भएको आधिकारिक पुष्टि भएको छैन ।

रेलवे अधिकारीका अनुसार दुर्घटनाबाट भएको क्षतिको विवरण संकलन तथा मूल्यांकन भइरहेको छ । घटनाबारे थप विवरण आउन बाँकी छ ।