काठमाडौं — राष्ट्रिय स्वतन्त्र पार्टी (रास्वपा) की सांसद Ashika Tamang ले साइप्रसमा बन्धक बनाइएका धादिङका एक नेपाली युवाको तत्काल उद्धार गर्न सरकारसँग माग गरेकी छन्।

मंगलबार बसेको प्रतिनिधिसभा बैठकको आकस्मिक समयमा बोल्दै तामाङले धादिङका २१ वर्षीय Ujjwal Kunwar मेनपावर कम्पनीको प्रलोभनमा साइप्रस पुगेपछि बन्धक बनेको जानकारी दिइन्।

उनका अनुसार एक पाकिस्तानी नागरिकले कुँवरलाई नियन्त्रणमा राखी कुटपिट तथा शारीरिक–मानसिक यातना दिइरहेको छ। बन्धक बनाउने पक्षले परिवारसँग करिब १२ लाख रुपैयाँ माग्दै रकम नदिए ज्यान मार्ने धम्कीसमेत दिएको बताइएको छ।

सांसद तामाङले घटनाप्रति गम्भीर ध्यान दिन सरकार, परराष्ट्र मन्त्रालय तथा सम्बन्धित निकायलाई आग्रह गर्दै नेपाली नागरिकको सुरक्षा सुनिश्चित गर्न तत्काल उद्धार प्रक्रिया अघि बढाउन माग गरिन्।

घटनाबारे थप अनुसन्धान र कूटनीतिक पहलका माध्यमबाट पीडित युवाको सुरक्षित उद्धारका लागि आवश्यक कदम चाल्नुपर्नेमा सांसदहरूले समेत जोड दिएका छन्।