पोखराको फिर्के खोला क्षेत्रमा अतिक्रमण गरेर बनाइएका संरचना हटाएपछि अब बसपार्क क्षेत्रमा निर्माण गरिएका संरचनामाथि पनि डोजर चलाइएको छ।

स्थानीय प्रशासन र महानगरपालिकाको संयुक्त टोलीले सार्वजनिक क्षेत्र तथा मापदण्डविपरीत निर्माण गरिएका संरचना हटाउने अभियानलाई निरन्तरता दिएको जनाएको छ।

पछिल्लो समय पोखरामा खोला अतिक्रमण, सार्वजनिक जग्गाको प्रयोग तथा अव्यवस्थित संरचनामाथि कडाइ गरिएको छ। महानगरले सहर व्यवस्थापन, जोखिम न्यूनीकरण तथा सार्वजनिक क्षेत्र संरक्षणका लागि अभियान सञ्चालन गरिएको बताएको छ।

यस अभियानलाई कतिपयले सहर व्यवस्थापनका लागि आवश्यक कदमका रूपमा समर्थन गरेका छन् भने प्रभावित पक्षहरूले उचित व्यवस्थापन, पुनःस्थापना र वैकल्पिक व्यवस्था गर्न माग गरेका छन्।