जापानको उत्तरी तटीय क्षेत्र नजिकै सोमबार ७ दशमलव ५ म्याग्निच्युडको शक्तिशाली भूकम्प गएको छ । भूकम्पपछि जापान मौसम विज्ञान एजेन्सीले प्रभावित क्षेत्रमा सुनामी चेतावनी जारी गरेको छ ।

भूकम्प स्थानीय समयअनुसार साँझ करिब ४ः ५३ बजे सानरिकु तट नजिकै गएको बताइएको छ ।  यसको केन्द्र समुद्र सतहबाट करिब १० किलोमिटर गहिराइमा रहेको प्रारम्भिक जानकारीमा उल्लेख छ । 

सरकारी समाचार संस्था एनएचकेले करिब ३ मिटर (१० फिट)सम्मको सुनामी आउन सक्ने चेतावनी दिएको थियो । आओमोरी प्रिफेक्चरबाट ३१ माइल पर सुनामीको लहर देखिएको बताइएको छ ।