जनता दल युनाइटेडका प्रमुख नितिश कुमारले मंगलबार नेपालसँग सीमा जोडिएको भारतको बिहार राज्यको मुख्यमन्त्री पदबाट राजीनामा दिएका छन् । केही दिनअघि मात्र उनी राज्यसभा सदस्यमा निर्वाचित भएको थियो । राजीनामा दिएपछि सामाजिक सञ्जाल एक्समा पोस्ट गर्दै उनले नयाँ सरकारलाई आफ्नो पूर्ण सहयोग र मार्गदर्शन रहने बताएका छन् ।

नितिश कुमारले आजको मन्त्रिपरिषद् बैठकपछि गभर्नरलाई भेटेर आफ्नो राजीनामा बुझाएका हुन् । अब नयाँ सरकारले राज्यको कामकारबाही अघि बढाउने उनले उल्लेख गरे । बिहारको विकासका लागि आगामी दिनमा अझ राम्रा कामहरू हुने विश्वास समेत उनले व्यक्त गरेका छन् ।

पदबाट राजीनामा दिनुअघि उनले बिहार सचिवालयमा अन्तिम मन्त्रिपरिषद् बैठक बोलाएका थिए । सो बैठकले मन्त्रिपरिषद् विघटनको सिफारिस गरेको थियो । अब बिहारको नयाँ मुख्यमन्त्री को बन्ने भन्नेबारे सर्वत्र चासो बढेको छ।