काठमाडौं — रामचन्द्र पौडेलले संघीय संसद्का दुवै सदनको अधिवेशन आह्वान गरेका छन्।

राष्ट्रपति कार्यालयले बुधबार जारी गरेको विज्ञप्तिअनुसार नेपालको संविधानको धारा ९३ को उपधारा (१) बमोजिम मन्त्रिपरिषद्को सिफारिसमा अधिवेशन बोलाइएको हो।

विज्ञप्तिमा उल्लेख भएअनुसार संघीय संसद्को प्रतिनिधिसभा र राष्ट्रिय सभाको अधिवेशन वैशाख १७ गते बिहीबार दिउँसो २:०० बजे संघीय संसद् भवन, सिंहदरबारमा बस्ने तय गरिएको छ।

आगामी अधिवेशनमा सरकारका नीति तथा कार्यक्रम, विधेयकहरू र समसामयिक राजनीतिक विषयहरूमा छलफल हुने अपेक्षा गरिएको छ।