एमाले सचिव तथा पूर्वमन्त्री महेश बस्नेत पक्राउ पर्ने चर्चा सामाजिक सन्जालमा व्यापक छ । तर, प्रहरीले त्यस्तो कुनै आदेश वा तयारी नभएको बताएको छ ।

विभिन्न डिजिटल प्लेटफर्ममा बस्नेत पक्राउ पर्ने र प्रहरी उनको भक्तपुर, गुण्डुस्थित घर वरपर पुगेको चर्चा छ । भक्तपुरका प्रहरी प्रवक्ता डीएसपी प्रकाश जवेगुले ती सबै निराधार हल्ला भएको बताए । उनलाई पक्राउ गर्न प्रहरी संगठनको कुनै तहबाट आदेश नआएको जवेगुको भनाइ छ ।