राष्ट्रिय स्वतन्त्र पार्टी (रास्वपा)ले समानुपातिकतर्फ २० लाख मत कटाएको छ। आइतबार दिउँसो ४:२८ बजेसम्म ४४ लाख ४३ हजार ११० मत गणना हुँदा रास्वपाले झन्डै त्यसको आधा मत  पाएको छ।

उसले समानुपातिकतर्फ अहिलेसम्म २१ लाख ९४ हजार ३१ मत पाएको छ। यो भनेको हालसम्म गणना भएको मतको ४९ प्रतिशत हाराहारी हो।

नेपाली कांग्रेसले हालसम्म गणना भएको १६ प्रतिशत मत पाएको छ। उसले अहिलेसम्म ७ लाख ४९ हजार १९६ मत ल्याएको छ।

नेकपा एमालेले हालसम्म गणना भएको करिब १४ प्रतिशत मत ल्याएको छ। उसको ६ लाख ३६ हजार ३६६ मत ल्याएको छ।

नेपाली कम्युनिस्ट पार्टी नेकपाले ६ प्रतिशत मत ल्याएको छ। हालसम्म उसको मत २ लाख ९७ हजार ८५९ मत पाएको छ।

राष्ट्रिय प्रजातन्त्र पार्टीले हालसम्म गणना भएकोमध्ये ३ प्रतिशत मत पाएको छ। उसले १ लाख ५९ हजार ९८४ मत ल्याएको छ।

अरू दलहरूले हालसम्म दुई प्रतिशतभन्दा कम मत ल्याएका छन्। राष्ट्रिय दल बन्नका लागि प्रत्यक्षतर्फ एक सिट र समानुपातिकतर्फ तीन प्रतिशत मत अनिवार्य कटाउनुपर्नेछ।