उदयपुरको कटारीस्थित एक मतदान केन्द्रमा प्रहरीको हतियारबाट गोली चल्दा मतपेटिका छेडिएको छ। ड्युटीमा रहेका एकजना सुरक्षाकर्मीको हतियारबाट चलेको गोलीले मतदान केन्द्रमा मत खसाल्न तयार राखिएको मतपेटिकामा लागेको छ।

इलाका प्रहरी कार्यालय सुन्दरपुर दरबन्दी भई अस्थायी प्रहरी पोस्ट चुहाडेमा खटिएका एक प्रहरी जवान लड्दा हतियार पड्किएको हो।

गोलीले क्षतिग्रस्त मतपेटिकामा ४ मत खसेको थियो । मतपत्र सुरक्षित गरेर अर्को मतपेटिकामा मतदान प्रक्रिया निरन्तर भइरहेको कोशी प्रदेश प्रहरीका डीआईजी विनोद घिमिरेले बताए ।

मतदान प्रक्रियामा अवरोध हुन नदिन सुरक्षाकर्मीले सतर्कता अपनाएका जिल्ला प्रहरी कार्यालय उदयपुरले जनाएको छ।