प्रतिनिधिसभा निर्वाचन अन्तर्गत नुवाकोटमा दिउँसो ३ः३० सम्म ४४ प्रतिशत मत खसेको छ। नुवाकोटका मुख्य निर्वाचन अधिकृत कोमलप्रसाद आचार्यका अनुसार हालसम्म ४४ प्रतिशत मत खसेको जानकारी दिए।

आचार्यका अनुसार अहिलेसम्म शान्तिपूर्ण वातावरणमा मतदान भइरहेको छ । नुवाकोटमा कुल २ लाख ४७ हजार ८६८ मतदाता छन् । मतदाताहरुले १३२ मतदान स्थलका २९३ मतदान केन्द्रहरुबाट मतदान गर्नेछन् ।

क्षेत्र नम्बर १ मा एक लाख २३ हजार ९२९ मतदाताले ६८ मतदान स्थलका १४४ केन्द्र र क्षेत्र नम्बर २ मा एक लाख २३ हजार ९३९ जना मतदाताले ६४ मतदान स्थलका १३९ केन्द्रबाट मतदान गर्ने व्यवस्था मिलाइएको छ।
बिहीबार देशभर प्रतिनिधि सभा निर्वाचन हुँदैछ ।