बिहीबार सम्पन्न प्रतिनिधि सभा सदस्य निर्वाचनमाको प्रारम्भिक नतिजा राष्ट्रिय स्वतन्त्र पार्टी (रास्वपा)ले आग्रता लिएको छ।

काठमाडौँ उपत्यकाका १५ क्षेत्रमध्ये १४ मा रास्वपाले अग्रता लिएको हो। ललितपुर १ बाहेक सबै क्षेत्रमा रास्वपाले अग्रता लिएको हो।

काठमाडौँका १०, ललितपुर र भक्तपुरका २–२ क्षेत्रमा रास्वपाले अग्रता लिएको हो। काठमाडौं १ मा रञ्जु दर्शना, २ मा सुनिल केसी, ३ मा राजुनाथ पाण्डे, ४ मा पुकार बम, ५ मा सस्मित पोखरेल, ६ मा शिशिर खनाल, ७ मा गणेश पराजुली, ८ विराजभक्त महर्जन, ९ मा डीपी अर्याल र काठमाडौं १० मा प्रदीप विष्टले अग्रता लिएका हुन्।

ललितपुर २ मा जगदिश खरेल र ३ मा तोसिमा कार्कीले अग्रता लिँदा ललितपुर–१ कांग्रेसका उदय शम्सेर राणाले अग्रता लिएका छन्।

भक्तपुर नेमकिपाको गढ मानिएको १ र एमालेको गढ मानिएको २ मासमेत रास्वपाले अग्रता लिएको छ। भक्तपुर १ मा रास्वपाका रुकेश रन्जित अगाडि छन् भने भक्तपुर २ मा राजिव खत्री अगाडि छन्।