रविको सम्पत्ति शुद्धीकरणको मुद्दा फिर्ता विरूद्धको रिट न्यायाधीश मल्ल र पौडेलको इजलासमा
रवि लामिछाने (सभापति, राष्ट्रिय स्वतन्त्र पार्टी) माथि लागेको सम्पत्ति शुद्धीकरण र संगठित अपराधको अभियोग संशोधन गरी फिर्ता लिन दिएको अनुमति विरुद्ध परेको रिटमा सर्वोच्च अदालत मा सुनुवाइ हुने भएको छ।
यो रिट न्यायाधीश सपना प्रधान मल्ल र श्रीकान्त पौडेलको इजलासमा सुनुवाइ हुनेछ। महान्यायाधिवक्ता सबिता भण्डारी ले लामिछानेविरुद्धका ती अभियोग मुलुकी फौजदारी कार्यविधि संहिता, २०७४ को दफा ३६ अनुसार संशोधन गर्न स्वीकृति दिएकी थिइन्।
यस निर्णयलाई गैरकानुनी भएको भन्दै बदर गर्न माग गर्दै अधिवक्तासहितका निवेदकहरूले रिट दायर गरेका छन्। रिट विचाराधीन रहेकाले कास्की र रूपन्देही जिल्ला अदालतले अन्तिम निर्णय गरेका छैनन्।
