काठमाडौं निर्वाचन क्षेत्र नम्बर ९ को प्रारम्भिक मतगणनामा राष्ट्रिय स्वतन्त्र पार्टी (रास्वपा) का उम्मेदवार डोलप्रसाद अर्यालले फराकिलो अग्रता कायम गरेका छन्। प्राप्त पछिल्लो मतपरिणाम अनुसार अर्यालले ५ हजार ५ सय ५९ मत प्राप्त गर्दै अन्य उम्मेदवारलाई निकै पछाडि पारेका हुन् ।

उनलाई नेपाली कांग्रेसकी उम्मेदवार नानुमैया बास्तोलाले पछ्याइरहेकी छन् । बास्तोलाले हालसम्म १ हजार १ सय १६ मत प्राप्त गरेकी छन् । रास्वपाका अर्याल र कांग्रेसकी बास्तोलाबीचको मतान्तर निकै ठूलो रहेको छ ।

त्यसैगरी, नेकपा एमालेका उम्मेदवार अजयक्रान्ति शाक्य ९ सय ७० मतका साथ तेस्रो स्थानमा रहेका छन् भने राष्ट्रिय प्रजातन्त्र पार्टी (राप्रपा) का उम्मेदवार दिलकुमार कार्कीले २ सय १२ मत प्राप्त गरेका छन् ।