सुनसरी निर्वाचन क्षेत्र नम्बर ४ को प्रारम्भिक मतगणनामा राष्ट्रिय स्वतन्त्र पार्टी (रास्वपा) का उम्मेदवार ई. दीपक साहले अग्रता लिएका छन् । निर्वाचन अधिकृतको कार्यालयले सार्वजनिक गरेको पछिल्लो विवरण अनुसार साहले २ सय ३१ मत प्राप्त गर्दै पहिलो स्थान कायम गरेका हुन् । उनलाई नेपाली कांग्रेसका प्रभावशाली नेता एवं उम्मेदवार ज्ञानेन्द्र बहादुर कार्कीले १ सय ९४ मतका साथ पछ्याइरहेका छन् ।

यसैगरी, प्रतिस्पर्धामा अन्य दलका उम्मेदवारहरू पनि अग्र स्थानमा देखिएका छन्। नेपाल कम्युनिष्ट पार्टी (नेकपा) का उम्मेदवार महफुज अंसारी १ सय ८३ मतका साथ तेस्रो स्थानमा रहेका छन् ।

त्यस्तै, नेकपा एमालेका उम्मेदवार जगदीश कुसियैतले हालसम्म ८९ मत प्राप्त गरेका छन्। सुनसरी-४ मा यसपटक पुराना स्थापित नेता र नयाँ उम्मेदवारबीचको प्रतिस्पर्धा निकै कसिलो देखिएको छ। अहिले मतगणना कार्य जारी छ र थप मतपेटिकाहरू गन्ने क्रम चलिरहेको छ।