राष्ट्रिय स्वतन्त्र पार्टी (रास्वपा)का समानुपातिक उम्मेदवार तथा गायक प्रकाश विश्वकर्मा (सपुत)ले मतदान गरेका छन् । प्रकाशले बागलुङस्थित काठेखोल ३ को केन्द्रमा पुगेर बिहीबार बिहानै मतदान गरेका हुन् ।

मतदानको तस्बिर सेयर गर्दै उनले सामाजिक सञ्जालमा लेखेका छन्, ‘स्थिरता, शान्ति र समृद्धिको आशासहित मत राखियो । अधिकार र जिम्मेवारी पूरा गरियो । तपाईंले राख्नुभयो ? नछुट्नुस है ।’

प्रकाश गत माघमा रास्वपामा प्रवेश गरेका हुन् । गायक बनेपछि खुलेर पार्टीमा प्रवेश पश्चात यो उनको पहिलो मतदान हो ।