गैरआवासीय नेपाली संघ (एनआरएनए) को अन्तर्राष्ट्रिय समन्वय परिषद् (आइसिसी) को उपमहासचिवमा ज्ञानेन्द्र रेग्मीले उम्मेदवारी दिएका छन्।

यसअघि सचिव रहेका रेग्मीले आगामी कार्यकालका लगि उपमहासचिवमा उम्मेदवारी दिएका हुन्।

संस्थाको पहिचानलाई जोगाउन र यसप्रति विदेशमा रहेका नेपालीहरुको आस्था बढाउन पहल गर्ने उनले बताए।

‘एक कार्यकाल सचिव भएर काम गरेँ। यसपटक उपमहासचिवको उम्मेदवारी दिएको छु,’उनले भने, ‘सबै प्रतिनिधिहरुको साथ र सहयोगको अपेक्षा गरेको छु। तपाईंहरुको विश्वास खेर जान दिने छैन।’

सन् २००८ मा अस्ट्रेलिया गएका विराटनगरका ज्ञानेन्द्र रेग्मी अस्ट्रेलियाको न्यू साउथ वेल्स राज्यको जलस्रोत विभागमा सिनियर प्रोजेक्ट इन्जिनियरको रूपमा कार्यरत छन्।