काठमाडौं — वैदिक सनातन हिन्दु राष्ट्र घोषणा गर्न र संवैधानिक राजसंस्था पुनःस्थापना गर्न माग गर्दै राजावादी समूहले काठमाडौंमा प्रदर्शन गरेका छन्।

उनीहरूले माइतीघर मण्डलामा भेला भई माइतीघरदेखि बानेश्वरसम्म धार्मिक सद्भाव र्‍याली निकालेका थिए। प्रदर्शनमा सहभागीहरूले “हिन्दु राष्ट्र कायम गर”, “राजसंस्था पुनः स्थापना गर” लगायतका नारा लगाउँदै हिन्दु अधिराज्य नेपाल पुनःस्थापना र धार्मिक सद्भाव कायम गर्न माग गरेका छन्।

प्रदर्शनका क्रममा उनीहरूले दुर्गा प्रसाईँलाई तत्काल रिहा गर्न समेत आग्रह गरेका छन्। राजावादी समूहले वर्तमान राजनीतिक व्यवस्थाप्रति असन्तुष्टि जनाउँदै वैदिक सनातन परम्पराअनुसारको राष्ट्र संरचना आवश्यक रहेको दाबी गरेका छन्।