नेपाल यातायात व्यवसायी राष्ट्रिय महासंघका पूर्व अध्यक्ष हिरा उदासको निधन भएको छ । विराटनगरस्थित विराट टिचिङ्ग अस्पतालमा उनको शनिबार उपचारका क्रममा निधन भएको महासंघले जनाएको छ। 

स्वर्गीय हिरा उदासले सार्वजनिक यातायात क्षेत्रको बृहत् एकता, समुन्नत विकास र सुधारमा अतुलनीय योगदान पुर्‍याएको महासंघले जनाएको छ । 

विगत पाँच दशकदेखि यातायात क्षेत्रमा क्रियाशील रहँदै भष्म पितामहुका रूपमा चिरपरिचित उनको निधनले यातायात जगतमा अपूरणीय क्षति पुगेको महासंघको शोक वक्तव्यमा उल्लेख छ । 

पूर्व अध्यक्षको निधनप्रति गहिरो दुःख व्यक्त गर्दै महासंघले उनको योगदानको स्मरण गर्दै सातवटै प्रदेश कार्यालयमा तीन दिनसम्म आधा झण्डा झुकाउने जनाएको छ ।