काठमाडौं, १५ मंसिर – सरकारले राष्ट्रिय योजना आयोगको उपाध्यक्षमा डा. प्रकाशकुमार श्रेष्ठ र सदस्यमा प्रा. डा. सुनीति श्रेष्ठ हाडालाई नियुक्त गरेको छ।

सञ्चार तथा सूचना प्रविधिमन्त्री जगदीश खरेलले आज बसेको मन्त्रिपरिषद् बैठकले उक्त निर्णय गरेको जानकारी दिएका छन्।

बैठकले यसका साथै प्रचलित कानुनमा व्यवस्था भएको अवस्थामा बाहेक, सेवा प्रवाहको प्रक्रियामा कागजातको आधिकारिकताका लागि आय–टिकटका रूपमा हुलाक टिकट टाँस्ने प्रचलन हटाउने निर्णयसमेत गरेको उनले बताए।

सरकारी निकायमा यस कदमले प्रशासनिक प्रक्रिया सरल र छिटो हुने अपेक्षा गरिएको छ।