काठमाडौँ महानगरपालिकाले तीन महिनाको स्वरोजगार कार्यक्रमअन्तर्गत इच्छुमती (टुकुचा) खोला सरसफाइ अभियान सञ्चालन गरेको छ। शुक्रबार अभियानमा महानगरपालिकाका कर्मचारीहरूले खोला सफा गरेका हुन्।

बालुवाटारबाट सुरु गरिएको यो सफाइ अभियान आज ११औँ दिन भद्रकाली प्लाजा आइपुगेको छ। अभियानमा तीन जना सुपरभाइजरसहित ३९ जना कर्मचारी खटिएका छन्।

अभियानले शहरको सरसफाइमा योगदान पुर्‍याउने र खोला तथा वरिपरिका क्षेत्रको प्रदूषण न्यूनीकरण गर्ने उद्देश्य राखेको छ।