काठमाडौं — व्यक्ति हत्या गर्ने पूर्वदोषी बुद्धिराम दराई फेरि हत्या गरेको खुलेको छ। केन्द्रीय अनुसन्धान ब्यूरो (सीआईबी)ले चितवनको रत्ननगर–६ घर भएका ४७ वर्षीय दराईलाई पक्राउ गरेको छ। उनीले पूर्वप्रहरी हवल्दार ४५ वर्षीया सीता कँडेलको हत्या गरेको आरोप छ।

३१ चैत २०८१ मा लमजुङको बेसिसहर–२ भकुण्डेमा महिलाको शव बक्स पलङको मुनि त्रिपालले बेरेर लुकाइएको अवस्थामा भेटिएको थियो। अनुसन्धानको क्रममा बुद्धिराम दराईको संलग्नता खुलेको थियो। ८ महिनादेखि फरार उनलाई रुपन्देहीको नेपाल–भारत सीमा क्षेत्रबाट पक्राउ गरिएको हो।

साथै, अनुसन्धानले देखाएको छ कि बुद्धिराम यसअघि पनि हत्या गरेर जेल बसेको व्यक्ति हुन्। विवाह विवादका कारण उनले गोरखाको साविक फिनाम–५ कि ५३ वर्षीया चिनीमाया पाण्डेको हत्या गरेका थिए। जेलबाट छुटेपछि पूर्व हवल्दार कँडेलको हत्या गरेको बताएपछि उनको अपराध चक्र पुनः सतहमा आएको छ।

सीआईबीले बुद्धिरामलाई जिल्ला प्रहरी कार्यालय लमजुङमा बुझाएर अनुसन्धान अघि बढाएको छ।