विश्वकप छनोट अन्तर्गतको खेलमा लक्जमबर्गलाई २-० गोल अन्तरले हराउँदै जर्मनी तालिकाको शीर्ष स्थानमा उक्लिएको छ। गएराति भएको खेलमा पहिलो हाफ गोलरहित बराबरी खेलको लक्जमबर्ग दोस्रो आफमा जर्मनीसँग टिक्न नसकेको हो । दोस्रो हाफको सुरुवात अर्थात् ४९ मिनेटमा वोल्टेमाडेको गोलमा जर्मनीले अग्रता लिएको हो ।

जर्मनीका लागि दोस्रो गोलसमेत खेलको ६९ औं मिनेटमा उनै वोल्टेमाडेले गर्दै २-० को जित निश्चित गरेका हुन् । यो जितसँगै समूह ‘ए’मा जर्मनी शीर्ष स्थानमा उक्लिएको हो । समान अंक भएको स्लोभाकिया दोस्रो स्थानमा छ । जितबिहीन लक्जम्बर्ग अन्तिममा छ ।