काठमाडौँ । कास्की र मनाङको सीमा क्षेत्र केन्द्रबिन्दु भएर शुक्रबार बिहान भूकम्पको हल्का धक्का महसुस गरिएको छ। राष्ट्रिय भूकम्प मापन केन्द्रका अनुसार बिहान ६ बजेर ४० मिनेटमा ३.७ म्याग्निच्युडको भूकम्प गएको हो।

भूकम्पको कम्पन आसपासका गाउँ तथा बस्तीहरूमा हल्का रूपमा महसुस गरिएको स्थानीयवासीले बताएका छन्। प्रारम्भिक विवरणअनुसार भूकम्पका कारण मानवीय वा भौतिक क्षतिको कुनै जानकारी आएको छैन।
विशेषज्ञका अनुसार यो प्रकृतिको हल्का भूकम्प सामान्य रूपमा हुने भएकाले सतर्कता अपनाउन भए पनि डरिनुपर्ने अवस्था नभएको जनाइएको छ।