यलुङ री हिमालमा हिमपहिरो : ८ जना पर्वतारोही सकुशल उद्धार, ७ जनाको मृत्यु
काठमाडौँ । दोलखाको यलुङ रीमा गएको हिमपहिरोमा परेका ८ जना पर्वतारोहीलाई सुरक्षाकर्मीहरूले सकुशल उद्धार गरेका छन् । सोमबार गएको हिमपहिरोका कारण ७ जनाको मृत्यु भएको थियो ।
दोलखाका डीएसपी ज्ञान कुमार महतोले ८ जनाको सकुशल उद्धार गरिएको जानकारी दिए । उद्धार गरिएकामध्ये ३ जना विदेशी र ५ जना नेपाली नागरिक छन् । सेना, सशस्त्र र नेपाल प्रहरीका सुरक्षाकर्मीहरूले पर्वतारोहीको उद्धार गरेका हुन् । हिमपहिरो जाँदा बेसक्याम्पमा १५ जना थिए ।
यलुङ री हिमाल गौरिशंकर गाउँपालिका–९ मा पर्छ । सो हिमाल ५ हजार ६३० मिटर अग्लो छ ।
