मलेसिया, १४ कात्तिक – गत महिनामा मलेसियामा भ्रष्टाचारविरुद्ध राष्ट्रव्यापी अभियानमा दुई हजारभन्दा बढी व्यक्तिहरू पक्राउ परेका छन्। बुकित अमन वाणिज्यिक अपराध अनुसन्धान विभागका निर्देशक रुस्दी इसाले प्रेस ब्रिफिङमा सेप्टेम्बर २२–२८ बीच एक हजार ३०३ जनालाई पक्राउ गरिएको जानकारी दिए।

उनका अनुसार अन्य अपरेसनमा ७९० जनालाई भ्रष्टाचारमा संलग्न भएको आरोपमा पक्राउ गरिएको थियो। साथै, “इ–कमर्स” घोटालासँग सम्बन्धित कल सेन्टर सञ्चालनमा प्रत्यक्ष संलग्न भएको आशंकामा ३० जना पक्राउ परेका थिए। यो समूहको क्रियाकलापले जनवरी–मे महिनाबीच करिब १२.८ मिलियन अमेरिकी डलरको नोक्सान पुर्याएको बताइएको छ।

रुस्दीद्वारा सञ्चालित अभियान “राष्ट्रिय स्क्याम रेस्पोन्स सेन्टर” मार्फत अनलाइन माध्यमबाट पैसा प्राप्त गर्न नक्कली खाताहरूको प्रयोग गर्ने व्यावसायिक अपराधविरुद्ध कारबाही गरिएको हो।

रुस्दीले जनतालाई आफ्नो बैंक खाता वा कार्ड अरूलाई नदिन सावधान रहन सुझाउँदै, अन्य पक्षले यसलाई गैरकानुनी गतिविधि र मनी लान्ड्रिंगमा प्रयोग गर्न सक्ने चेतावनी दिएका छन्।