पछिल्ला दुई दिनमा देशभरका नागरिकलाई करिब ६५ लाखभन्दा बढी बाढी पूर्वसूचना सन्देश पठाइएको छ। जल तथा मौसम विभागले असोज १८ गतेदेखि हालसम्म नेपाल टेलिकम र एनसेल एक्जीयटा मार्फत जम्मा ६५ लाख १६ हजार २९६ वटा एसएमएस पठाइएको जानकारी दिएको हो ।

विभागले अविरल वर्षाका कारण देशका विभिन्न ठाउँमा बाढी, पहिरो र जलमग्न हुने जोखिम बढेकाले जनसाधारणलाई सतर्क रहन आग्रह गर्दै सो सूचना पठाएको जनाएको छ।