चलचित्र विकास बोर्डको बक्स अफिस एपमा प्राविधिक समस्या देखिएको छ । शुक्रबार एक सूचना जारी गर्दै विकास बोर्डले बक्स अफिस- सिनेपा सर्भर अस्थायी रूपमा प्रभावित भएका जानकारी दिएको हो । यससँगै विगत ४३ घण्टादेखि सर्भरमा समस्या देखिएको बोर्डले उल्लेख गरेको छ ।

बोर्डका अनुसार केन्द्रीय चलचित्र व्यवस्थापन प्रणालीमा उत्पन्न प्राविधिक समस्याका कारण बक्स अफिस एप सञ्चालनमा बाधा पुगेको हो ।

यद्यपि हाल प्रदर्शनमा रहेका चलचित्रहरूको सम्पूर्ण बक्स अफिस डाटा भने सुरक्षित रहेको बोर्डले जानकारी दिएको छ ।