दशैंको बेला बन्द रहेको मनकामना केबलकार असोज १८ गतेदेखि खुल्ने भएको छ ।

 दशैंको नवमी, दशमी र एकादशीको तीन दिनसम्म मनकामना केबलकार बन्द भएको थियो ।

अब भोलि शनिबार द्वादशीको दिनदेखि केबलकार नियमित तालिका अनुसार नै सञ्चालनमा आउने मनकामना दर्शन प्रालिले जनाएको छ ।

चितवनको कुरिनटारबाट केबलकार चढेर गोरखाको मनकामना मन्दिर पुग्न सकिन्छ ।

मनकामना मन्दिरमा दर्शन गरे मनोकांक्षा पूरा हुने विश्वासका साथ भक्तजनहरुको घुइँचो लाग्ने गर्दछ । मन्दिरमा दशैंको बेला झन् बढी भिड लाग्दछ ।