जेनजी आन्दोलनमा सहभागी थप एकजना घाइतेको मृत्यु भएको छ । ट्रमा सेन्टरमा उपचारका क्रममा ३६ बर्षिय लक्ष्मण राईको निधन भएको हो ।

नुवाकोटको पञ्चकन्या गाउँपालिका–२ घर भएका राईलाई २४ गतेको प्रदर्शनका क्रममा टाउकोमा गोली लागेको थियो । उनलाई बालाजुबाट ल्याएर ट्रमा सेन्टरमा राखी उपचार भइरहेकोमा आज बिहान पौने २ बजे मृत्यु भएको हो ।

जिल्ला प्रहरी परिसर काठमाडौंका प्रवक्ता एसपी पवन भट्टराईले राईको निधन भएको पुष्टि गरे । उनीसँगै जेनजी आन्दोलनमा ज्यान जानेहरुको संख्या ७६ पुगेको छ ।