महालक्ष्मी विकास बैंकले आन्दोलनका क्रममा क्षतिग्रस्त भएको प्रहरी वृत्त दरबारमार्गको कार्यालय भवन पुनर्निर्माण तथा मर्मत सम्भारका लागि आर्थिक सहयोग गरेको छ।

आगोझोंड र तोडफोडका कारण प्रशासनिक कार्य सञ्चालनमा कठिनाइ भएको प्रहरी वृत्त दरबारमार्गलाई तत्काल प्रयोगयोग्य बनाउन सहयोग गरिएको बैंकले जनाएको छ। यसबाट पुनर्निर्माण कार्य चाँडै सम्पन्न हुने र भवन पूर्ववत् अवस्थामा फर्किने विश्वास बैंकले व्यक्त गरेको छ।

बैंकका अनुसार हाल यसको सम्पूर्ण सेवा पूर्ण रुपमा सञ्चालनमा छन्। डिजिटल बैंकिङ सेवा सुरक्षित र व्यवस्थित रूपमा चलिरहेको र लेकसाइड शाखा बाहेक १०२ शाखामार्फत ग्राहकलाई गुणस्तरीय वित्तीय सेवा प्रदान भइरहेको जनाएको छ।