कजाकिस्तानको अकताउ सहरमा बुधबार एउटा यात्रुवाहक विमान दुर्घटना भएको छ । यस दूघर्टनामा केही हताहत भएको हुन सक्ने प्रारम्भिक रिपोर्टमा बताइएको छ । 

स्थानीय अधिकारीका अनुसार विमानमा ६७ जना सवार थिए । दुर्घटनास्थलमा पुग्न प्रयास भइरहेको काजाकिस्तानको आपतकालीन मन्त्रालयले जनाएको छ । विमान अजरबैजान एयरलाइन्सको भएको रुसी समाचार एजेन्सीहरूलाई उद्धृत गर्दै समाचार एजेन्सी रोयटर्सले समाचारमा भनेको छ । 

विमान बाकुबाट रुसको चेचन्याको ग्रोज्नी जाँदै थियो । बाक्लो हुस्सुका कारण उक्त विमानको रुट परिवर्तन गरिएको थियो । अजरबैजान एयरलाइन्सको तर्फबाट यस विषयमा अहिलेसम्म कुनै बयान आएको छैन ।