काठमाडौं । नेपाली बजारमा छापावाला सुनको मूल्य बुधबार घटेको छ ।

सुनको मूल्य बुधबार १ सय रुपैयाँले घटेको नेपाल सुनचाँदी व्यवसायी महासंघले जनाएको हो । महासंघका अनुसार बुधबार छापावाला सुनको मूल्य तोलामा १ लाख ४० हजार ५ सय रुपैयाँमा कारोबार भइरहेको छ । तेजाबी सुनको मूल्य तोलामा १ लाख ३९ हजार ८ सय रुपैयाँमा कारोबार भइरहेको हो।

यसअघि मंगलबार छापावाला सुन तोलामा १ लाख ४० हजार ६ सय सय र तेजाबी सुनको मूल्य तोलामा १ लाख ३९ हजार ९ सय रुपैयाँ थियो । त्यसैगरी बुधबार चाँदीको मूल्य भने बढेको छ ।

बुधबार  चाँदी तोलामा १५ रुपैयाँले बढेर तोलामा १९ सय रुपैयाँमा कारोबार भइरहेको महासंघले जनाएको हो ।