सहकारी ठगी प्रकरणमा मुछिएका गृहमन्त्री लामिछानेविरूद्ध तरूण दलले आज आन्दोलन गर्दै
काठमाडौं । उपप्रधान एवं गृहमन्त्री रवि लामिछाने सहकारी ठगी प्रकरणमा मुछिएको बताउदै संसदीय छानविन समिति माग गर्दै आएको नेपाली कांग्रेसको भातृसंगठनहरु सडकमा आन्दोलन गरिहेका छन् ।
कांग्रेसले संसदभित्र आन्दोलन गरिरहेको समयमा भातृसंगठनहरु मंगलबारदेखि सहकारी पीडितहरूको पक्षमा सडकमा उत्रिएका हुन् । कांग्रेसको भातृ संगठन नेपाल महिला संघले मंगलबार काठमाडौंमा प्रदर्शन गरेको थियो ।
बुधबार नेपाल तरुण दलले सहकारी पीडितको पक्षमा वृहत विरोध र्याली निकाल्ने भएको छ । तरुण दलले सहकारी पीडितहरुको पक्ष र सहकारी ठगको विरुद्ध बुधबार मध्याह्न १२ बजे माइतीघरदेखि नयाँ बानेश्वरसम्म वृहत विरोध ¥याली गर्न लागेको हो ।
सहकारीका बचतकर्ताको बचत फिर्ता गराउन, सहकारी समस्यालाई दिगो रुपमा समाधान गर्न र सहकारीको रकम दुरुपयोग गरी अपचलन गर्ने सहकारी ठगहरुलाई छानबिनको दायरामा ल्याइ कानूनी कारबाही गर्न सरकारलाई दवाव दिन विरोध र्याली आयोजना गरिएको तरुण दलका अध्यक्ष विद्धान गुरुङले जानकारी दिनुभयो।
उपत्यकामा उपलब्ध केन्द्रीय सदस्य र जिल्ला अध्यक्षहरुको अनौपचारिक बैठकबाट विरोध प्रदर्शन गर्ने निर्णय गरिएको उहाँको भनाइ थियो ।
