‘नेपाल युरोप जस्तै होस् भनेर चुनावमा चासो राख्छौं’
स्वदेशमा बसे पनि विदेशमा बसे पनि हाम्रो माटो भनेको एउटै हो । ढुकढुकी यही माटोमा हुन्छ । हामी विशेष परिस्थितिले, कुनै बाध्यता वा विवशताले विदेशमा बस्नुपर्छ । रहर भन्दा पनि कहरका कारण हामी विदेश पुगेका छौं । तर हामीलाई प्रत्येक क्षण चासो भने देशकै हुन्छ ।
हामी आफ्नो गाउँ, समाजदेखि राष्ट्रसम्म राम्रो बनोस् भन्ने चाहन्छौं । हाम्रो जस्तै अरू देशहरूको अवस्था हेरौं, उनीहरू विकसित भएर धेरै अघि पुगिसके । तर हाम्रो अवस्था उस्तै छ । भ्रष्टाचार व्यापक छ, बेथिति व्यापक छ । गुण्डागर्दी, बलात्कारका घटना बढिरहेका छन् ।