थप अनुकूलतासहित मैदानमा चिरिबाबु
चिरिबाबु महर्जन केवल चार वर्षको हुँदा उनको बुवा न्हुच्छेलालको निधन भयो । २०१४ मंसिर १६ गते जन्मिएका चिरिबाबुसहित ६ सन्तानलाई आमा हरिमायाले पुल्चोक र धोबीघाट आसपासमा अर्काको जग्गा कमाउँदै हुर्काइन् ।
अभावको बीचमा पढाइ-लेखाइ मुश्किल थियो । चिरिबाबुले ज्यामी काम गरेर अध्ययनलाई अगाडि बढाए । अरूको खेतमा उब्जाएको बालीले खान त पुग्थ्यो, तर लेखपढ लगायत खर्चको ठूलो अभाव हुन्थ्यो ।