रघुजी पन्तविरुद्ध अदालत जाने कोमल वलीको चेतावनी
राष्ट्रिय सभाकी सांसद कोमल वलीले नेकपाको प्रचण्ड-नेपाल पक्षका नेता रघुजी पन्तविरुद्ध अदालत जाने चुनौती दिएकी छिन्।
'म अहिले दाङमा छु, वकिलहरुसँग छलफल गरिरहेको छु', वलीले सेतोपाटीसँग भनिन्, 'म भोलीसम्म काठमाडौं आइपुग्छु र अदालतमा मुद्दा लिएर जाने तयारीमा छु।'
वली नेकपामा प्रधानमन्त्री केपी ओली नेतृत्वको नेकपामा छिन्।
पन्तले शनिबार पार्टीको एउटा भेलामा 'कोमल वलीले सारी सर्काएर गोरा पिँडुला देखाएर पोइला जान पाम् भनेपछि सांसद तिनै भइन्। कलाप फुलेका बुढी कामरेडहरु न एकपटक राष्ट्रिय सभा सदस्य हुन पाएका छन् न त केन्द्रीय सदस्य हुन पाएका छन्' भन्दै टिप्पणी गरेका थिए।
