रुपन्देहीमा अज्ञात समूहद्वारा डोजरमा आगजनी
(काठमाडौं) रुपन्देहीमा बिहीबार बिहान ना.१ क ३३०० नम्बरको डोजरमा आगजनी भएको छ ।
रुपन्देहीको देवदह नगरपालिका-७ मदनग्राम बस्ने चन्द्रकान्त खरेलको सामर्थ कन्ट्रक्सन कम्पनी अगाडि पार्किङ गरी राखिएको डोजरमा अज्ञात समूहले आगजनी गरेको प्रहरीले जनाएको छ ।
आगजनीबाट करिब ५ लाख रुपैयाँ बराबरको धनमाल नष्ट भएको छ । आगजनी गर्ने समूहको खोजी भइरहेको प्रहरीले जनाएको छ ।
स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान भइरहेको प्रहरीले जनाएको छ ।
