(काठमाडौं) १३औं दक्षिण एसियाली खेलकुद सागको भोलि भब्य समारोहका बीच उद्घाटन हुने भएको छ ।

त्रिपुरेश्वरस्थित दशरथ रंगशालामा राष्ट्रपति विद्यादेवी भण्डारीले सागको उद्घाटन गर्ने कार्यक्रम छ । उद्घाटन समारोह ३ घन्टा १४ मिनेटको हुनेछ ।
उद्घाटन समारोहमा सहभागी हुनेहरु ४ बजे रगंशालामा प्रवेश गरिसक्नुपर्ने राष्ट्रिय खेलकुद परिषद्ले जनाएको छ । सागमा २८ खेल समावेश छन्, जसमध्ये एक जनकपुर र ८ पोखरामा हुनेछ भने बाँकी काठमाडौंमा ।