अध्यक्ष दाहालको भारतकाे नयाँ नक्सामा नेपाली भूमि मिचिएको विषयमा सरकारले कुटनीतिक पहल थाल्न सुझाव
(दाङ) सत्तारुढ नेपाल कम्युनिष्ट पार्टीका अध्यक्ष पुष्पकमल दाहालले कालापानीको समस्या समाधानका लागि कुटनीतिक पहल थाल्न सरकारलाई सुझाव दिएका छन् ।
भारतले आफ्नो नयाँ नक्सामा नेपालको कालापानी, लिपुलेक र लिम्पियाधुरा राखेपछि विरोध सुरु भएको छ । दाङमा अध्यक्ष दाहालले नेपालको भौगोलिक अखण्डताको विषयमा कुनै सम्झौता नहुने बताए । उनँले तत्कालै समस्याको समाधान गर्न सरकारको ध्यानाकर्षण समेत गराएका छन् ।
नेपाली भूमि मिचिएपछि कांग्रेस, राप्रपा, साझा पार्टी लगायतले विरोध जनाएका छन् ।
