काठमाण्डौ २० साउन ।  धनगडीको  मालपोत कार्यालय टिकापुरका २ कर्मचारी ८ हजार घुस सहित रङ्गे हात पक्राउ परेका छन् । कार्यालयका नायव सुब्बा सिंह बहादुर कुँवर र खरिदार नर राज पाण्डेलाई अख्तियार दुरुपयोग अनुसन्धान आयोग कञ्चनपुरबाट खटिएको टोलीले घुस रकम सहित आइतबार नियन्त्रणमा लिएको छ ।

सेवाग्राहीसँग ८ हजार घुस बापतको रकम लिइसकेको अवस्थामा लम्की चुहा नगरपालिका वडा नं।३ व्यवस्थित नगरबाट उनीहरूलाई नियन्त्रणमा लिएको अख्तियार दुरुपयोग अनुसन्धान आयोगका प्रवक्ता प्रदीप कुमार कोइरालाले जानकारी दिनु भयो ।

नायव सुब्बा कुँवर र खरिदार पाण्डेले लम्की चुहा नगरपालिका र जानकी गाउँपालिका स्थित जमिनको हराएको लालपुर्जाको सम्पूर्ण कागजात तयार गरी प्रतिलिपि बनाउनका लागि जग्गा नाप जाँच गरिदिए बापत सेवाग्राहीसँग घुस माग गरिरहेको भन्ने सूचनामा आधारमा रङ्गे हात नियन्त्रणमा लिइएको उनले जानकारी  दिनु भयो । यस सम्बन्धमा थप अनुसन्धान भइरहेको अख्तियार दुरुपयोग अनुसन्धान आयोगले जनाएको छ ।