काठमाडौं  २८  साउन : पोखराको मुख्य व्यापारिक स्थल न्युरोडमा  मंगलबार दिउसो आगलागी भएको छ ।  पोखरा न्युरोड स्थित एस मिनी मार्केटमा आगलागी भएको हो ।

आगलागीबाट मिनी मार्केटका कार्पेट, फोम  हाउस  तथा पर्दा पसल गरि करिव  २० वटा सटरमा  क्षति पुगेको  छ ।   पोखरा महानगरपालिकाका ३ वटा दमकल र खानेपानि ट्यांकरको सहायतामा सुरक्षाकर्मी र स्थानीयको उपस्थितिमा आगलागी नियन्त्रण गर्ने प्रयास भैरहेको छ । दिउसो  करिब ४ बजे देखि सुरु भएको आगलागी नियन्त्रणमा आइसकेको छैन ।

आगलागीबाट मिनी मार्केट भित्रका  सटरका अधिकांश  सामग्री जलेर नष्ट  भएका छन् भने   आसपासका  शिवशक्ति फर्निचर लगायतका सटरबाट स्थानीय र प्रहरीको सहयोगबाट सामानहरु सार्ने काम भैरहेको छ । आगलागीको कारण र क्षतिबारे थप विवरण आउन बाकी छ ।

                                               रासस