बझाङ ५ भदौ  । सुदूरपश्चिलीहरुले  मनाइने गौरा पर्वको आज तेस्रो दिन सुदूरपश्चिका ब्रतालु महिलाहरुले  आज गौरादेवीलाई गौरा घर घरमा भित्र्याउँदै छन् । स्थानीय भाषामा भितरीकी गौरा अथवा ‘ठूली गौरा’ भनिने आजको दिनलाई ब्रतालु महिलाहरुले बिशेष दिनको रुपमा लिने गरेका पाईन्छ ।

आजवाट गौरा पुजनका कार्य सुरु हुने भएकाले ब्रतालु महिलाहरुले आजको दिनलाई बिशेष दिनको रुपमा लिने गर्दछन् । आज ब्रतालु महिलाहरु एक ठाउँमा जमघट भएर गौराघर भन्दा केहि पर खेतको किनारबाट  धान खेतमा  पाईने  साउ , पाती फलफुलका दाना ईत्य आदी  राखेर दुलहिको सजावटमा  गौरादेवीको मूर्ती स्थापना गरी   पुजाअर्चना गरेर फाग गाएर गौरालाई गौरा  घरमा भित्रयाइन्े चलन रहिआएको छ  । बिषेस गरि  ब्रतालु महिलाहरुले लगाउने दुबा धागो पनि आजै गौरादेवीमा चढाउने  पनि चलन छ ।

यसका साथै साँझको समयमा ब्रतालु महिलाहरुले कुण्ड स्नान गर्ने चलन रही आएको छ । आजको गौरादेवीमा चढाएको दुबधागोलाई भोली दुर्वाष्टमी अर्थात अठ्यावालीका दिन ब्रतालु महिलाहरुले धारण गर्ने गर्दछन् ।

गौरापर्वको मुख्य दिन आज सप्तमीको दिनमा गौरा र महेश्वरको पूजागरी ब्रतालु महिलाहरुले राति मिठोमसिनो खाना खाने चलन छ । गौरा भोली दुर्वाष्टमी अर्थात गौरा पर्वको मुख्यदिन ब्रतालु महिलाहरुले गौरालाई गौरा घरबाट गौराखलोमा लगेर पूजाअर्चना गर्ने , फाग गाउने , देउडा खेल्ने लगाएत नाच गान गर्ने चलन रही आएको छ ।